Alfie Whiteman, fyrrum markvörður Tottenham, hefur vakið mikla athygli eftir að hann hætti óvænt í atvinnumennsku aðeins 26 ára gamall og sneri sér að list og kvikmyndagerð.

Whiteman var á bekknum þegar Tottenham vann Evrópudeildina síðasta vor eftir úrslitaleik gegn Manchester United.

Hann ákvað hins vegar að leggja hanskana á hilluna eftir tímabilið og einbeita sér að skapandi störfum.

„Ég vissi snemma að ég vildi ekki vera í fótbolta að eilífu,“ segir hann, en hann hefur nú opnað ljósmyndasýningu í Degerfors í Svíþjóð, hvar hann lék á láni frá Tottenham tímabilin 2021 og 2022.

Á sýningunni sýnir meðal annars sjálfsmyndir teknar í einangrun vegna kórónuveirunnar við stöðuvatn í Svíþjóð og lýsir lífi sínu utan vallar, en hann hélt dagbók á þessum tíma sem hann notast einnig við.

„Það átti ekki endilega neinn að sjá þessar myndir þegar ég tók þær, en þær endurspegla lífið sem ég lifði þá,“ segir Whiteman.