Í samtali við The Guardian sagði hann að neytendur viti ekki hversu hættulegt ofurunnar kjötvörur eru. „Flestir vita ekki að WHO flokkar beikon og skinku, sem hefur verið meðhöndlað með nítríti, í sama flokk og tóbak og asbest,“ sagði hann.
Nítrín getur breyst í nítrósamín í líkamanum en það efni er nátengt auknum líkum á krabbameini. Það er ástæðan fyrir að Corpret og fleiri, vilja setja aðvörunarmerki á beikonumbúðir.
Tine Sundfør, næringarfræðingur, sagði í samtali við Dagbladet að ógnandi og kvíðavekjandi upplýsingar virki ekki, eða að minnsta kosti ekki mikið. Hún segir að betra sé að hjálpa neytendum að taka betri ákvarðanir. Það sé til dæmis hægt að gera með því að hafa áhrif á verðið. Hún benti á að rannsóknir hafi sýnt að sykurskattur dragi úr því magni sykurs sem fólk kaupir.
Hún vill því að aukagjöld séu lögð á ofurunnar kjötvörur en á móti verði gjöld á fisk, kjúkling og magurt kjöt lækkuð.
