Chelsea varð fyrir áfalli í 3-0 tapi gegn Brighton & Hove Albion þegar bæði Cole Palmer og João Pedro voru frá vegna meiðsla.
Það vakti þó sérstaka athygli að upplýsingar um fjarveru leikmannanna virtust hafa lekið út áður en liðsuppstilling var tilkynnt opinberlega. Á samfélagsmiðlum birtist færsla þar sem fullyrt var að Palmer og João Pedro yrðu ekki með, nokkrum klukkustundum áður en Liam Rosenior staðfesti liðið.
Í kjölfarið var einnig deilt mynd tengdri Marc Cucurella sem ýtti undir grunsemdir um að upplýsingar kæmu innan úr herbúðum liðsins. En þar sást rakarinn hans deila upplýsingum um þetta.
Rosenior hafði áður staðfest að lekamálið innan félagsins hefði verið rannsakað eftir að liðskipanir í Evrópuleikjum gegn Paris Saint-Germain bárust fjölmiðlum fyrirfram.
Samkvæmt heimildum kemur sá leki þó ekki beint frá leikmönnum heldur utanaðkomandi aðila. Málið hefur vakið mikla athygli og gæti haft áhrif á undirbúning Chelsea fyrir komandi leiki.
