Fyrrum úrvalsdeildarleikmaðurinn Jorginho hefur nú bundið endi á opinbera deilu sína við söngkonuna Chappell Roan eftir atvik sem átti sér stað á Lolla-hátíðinni í Brasilíu.
Jorginho gagnrýndi Roan opinberlega eftir að hann taldi að öryggisvörður hennar hefði komið fram með ógnandi hætti gagnvart eiginkonu hans og 11 ára dóttur á hóteli í Sao Paulo. Dóttirin hafði séð Roan og fór hún nær henni til að athuga hvort þetta væri ekki örugglega hún. Öryggisvörðurinn nálgaðist mæðgurnar í kjölfarið.
Nú hefur hann þó leiðrétt málið eftir að nýjar upplýsingar komu fram. Samkvæmt þeim hafði Roan enga vitneskju um atvikið og hafði ekki beðið neinn um að ónáða fjölskylduna. Öryggisvörðurinn hafi í raun verið að vinna fyrir annan listamann.
Jorginho hafði gagnrýnt Roan harkalega og fleiri þekkt nöfn tekið undir með honum. Nú segist hann hins vegar hafa brugðsist við í hita leiksins og segir málinu lokið.
Jorginho, sem er fyrrum leikmaður Arsenal og Chelsea, er leikmaður Flamengo í Brasilíu í dag.
