Dánarorsök Victoriu Jones hefur verið opinberuð. Dóttir leikarans Tommy Lee Jones lést vegna eituráhrifa kókaíns, að því er yfirlæknir í San Francisco í Kaliforníu segir í samtali við Page Six. Andlát hennar er úrskurðað sem slys.

Victoria fannst meðvitundarlaus snemma á nýársdag á 14. hæð Fairmont San Francisco hótelsins í Kaliforníu.

„Við erum afar sorgmædd vegna atviks sem átti sér stað á hótelinu 1. janúar 2026,“ sagði fulltrúi hótelsins í yfirlýsingu. „Innilegar samúðarkveðjur okkar til fjölskyldu og ástvina á þessum erfiðu tímum. Starfsfólk hótelsins vinnur með lögreglu við rannsóknina.“

Í fyrstu taldi einstaklingurinn sem kom að Victoriu að hún hefði dáið áfengisdauða og gerði hann starfsfólki hótelsins viðvart. Eftir að sjúkraflutningamenn voru kallaðir til um klukkan 2:52 að staðartíma, var Victoria úrskurðuð látin á vettvangi. Hún var 34 ára gömul.

Þann 1. janúar staðfesti talsmaður slökkviliðsins að „viðkomandi hafi verið gefin fyrirmæli um endurlífgun samkvæmt CAD-skrám.“ Lögreglan í San Francisco sagðist hafa  komið á hótelið klukkan 3:14 að morgni. Lögreglan sagði þá að enginn grunur væri um saknæmt athæfi og engin fíkniefnaáhöld fundust á vettvangi. Ekkert benti heldur til þess að Victoria hefði tekið eigið líf.

Það er óljóst hvort Victoria var gestur á hótelinu eða hvernig hún komst upp á 14. hæðina.

Victoria átti lítið hlutverk  í mynd föður síns, Men In Black II og The Three Burials of Melquiades Estrada árið 2005 og The Homesman árið 2014. Þótt hún hafi hætt við feril í Hollywood mætti hún oft með föður sínum á rauða dregilinn.

Victoria komst nokkrum sinnum í kast við lögin, var hún handtekin að minnsta kosti tvisvar árið 2025. Í apríl var hún handtekin fyrir að hindra lögregluþjón, nota/vera undir áhrifum fíkniefna og hafa fíkniefni í fórum sínum, en neitaði sök. Hún var handtekin aftur í júní fyrir heimilisofbeldi og eldri borgaraofbeldi, en neitaði sök. Að auki var Victoria handtekin fyrir þjófnað á 50 til 500 dölum í San Antonio í Texas í júní 2011. Ákærunni var síðar vísað frá.