Þýski dómarinn Pascal Kaiser varð fyrir árás á heimili sínu skömmu eftir að hafa vakið mikla athygli fyrir bónorð til kærasta síns á knattspyrnuleik í Köln, samkvæmt erlendum miðlum.

Kaiser, sem dæmir áhugamannaleiki, fór á dögunum í dreifingu á samfélagsmiðlum þegar hann bað kærasta sinn, Moritz, um að giftast sér á leik Köln og Wolfsburg fyrir framan um 50 þúsund áhorfendur á RheinEnergie-leikvanginum. Félagið birti myndband af bónorðinu og studdi framtakið.

Í færslu Kölnar sagði meðal annars að Kaiser væri dómari, mikill stuðningsmaður félagsins og væri samkynhneigður. Bónorðið var skipulagt með stuðningi félagsins. Kaiser sagði sjálfur í hljóðnema á vellinum. „Ég vil ekki fela mig. Ég vil vera sýnilegur. Ég vil að allir sjái að ég elska þessa manneskju. Karlmaður í fótbolta. Viltu giftast mér?“

Dagurinn endaði fullkomlega fyrir Kaiser þar sem Köln vann 1-0 sigur.

Samkvæmt franska miðlinum L’Equipe fékk Kaiser síðar hótanir þar sem vísað var til heimilisfangs hans. Hann hafði samband við lögreglu vegna málsins og lýsti áhyggjum sínum, en á að hafa fengið þau svör að engin hætta væri á ferðum.

Stuttu síðar, eða um tuttugu mínútum eftir símtalið, var hann að sögn ráðist á hann í garði heima hjá sér af þremur mönnum þegar hann var úti að reykja. Kaiser telur að árásin tengist bónorðinu.

Hann birti síðar mynd af marbletti við auga á samfélagsmiðlum. Kaiser var áður knattspyrnumaður og hefur dæmt leiki á lægra stigum í rúman áratug. Málið hefur vakið mikla athygli og umræður í Þýskalandi.