Dayot Upamecano hefur enn ekki skrifað undir nýjan samning við Bayern Munich, þrátt fyrir að samningurinn liggi tilbúinn. Þetta kemur fram hjá Florian Plettenberg hjá Sky Germany.
Samkvæmt Plettenberg hyggst Bayern ekki bæta tilboð sitt. Samningurinn myndi gilda til ársins 2030 eða 2031 og inniheldur losunarákvæði sem tæki gildi sumarið 2027.
Upamecano myndi þéna um 20 milljónir evra á ári, auk myndarlegs undirskriftarbónusar fyrir sig og umboðsmann sinn.
Bayern hefur beðið eftir svari í nokkrar vikur og vill nú fá skjóta niðurstöðu. Plettenberg telur þó að varnarmaðurinn bíði eftir mögulegum tilboðum frá stórliðum. „Að mínu mati er hann að bíða eftir Liverpool eða Real Madrid,“ sagði hann.
Liverpool hefur staðfestan áhuga á Upamecano, samkvæmt Plettenberg, og gætu félagaskipti orðið að veruleika ef Frakkinn ákveður að framlengja ekki samning sinn við Bayern.
