Raheem Sterling er sagður nálgast brottför frá Chelsea þar sem félagið er í viðræðum við fulltrúa leikmannsins um lausn áður en félagaskiptaglugganum lýkur á mánudag.

Fulham og Crystal Palace hafa áður verið í umræðunni sem hugsanlegir fyrrum landsliðsmannsins. Sterling, sem er 31 árs gamall, hefur ekki spilað keppnisleik í átta mánuði og er í frystikistunni.

Samningur hans við Chelsea rennur út eftir tæpt eitt og hálft ár og er hann með um 325 þúsund pund í vikulaun. Finnist ekki nýtt félag er möguleiki á að gerður verði við hann starfslokasamningur.

Sterling kom til Chelsea frá Manchester City sumarið 2022 fyrir 50 milljónir punda. Hann var á láni hjá Arsenal á síðustu leiktíð, en tókst ekki að endurvekja feril sinn þar.