Vilhjálmur Bretaprins, eiginkona hans Katrín og börnin þrjú, Georg, 12 ára, Charlotte, 10 ára, og Louis, sjö ára, hyggjast búa í Fort Lodge, átta svefnherbergja höll í Windsor Great Park sem verður „heimili þeirra að eilífu“, að því er Daily Mail greindi frá á sunnudag.

Vegna þessa voru tvær aðskildar fjölskyldur sem bjuggu í sumarhúsum við hliðina á höllinni beðnar um að yfirgefa eignir sínar fyrr í sumar.

„Þeim var sagt að flytja út. Ég held að þeim hafi verið gefið annað húsnæði, en þeim var sagt að þau yrðu að flytja,“ fullyrti heimildarmaður við miðilinn. „Þau bjuggust ekki við því. Þessi hús eru mjög nálægt Fort Lodge, svo enginn vill að einhver Jón búi í þessum húsum ef konungsfjölskyldan verður þar,.“ 

Samkvæmt fréttinni voru fjölskyldurnar leigjendur hins opinbera. Þeim var ekki send útburðartilkynning og þau hafa síðan flutt í svipað eða betra húsnæði annars staðar á svæðinu.

Hjónin eru sögð vonast eftir nýju upphafi við flutninginn í Fort Lodge og greiða þau sjálf fyrir flutningana án aukakostnaðar fyrir skattgreiðendur.

Konungsfjölskyldan býr nú í Adelaide Cottage, sem er staðsett nálægt Windsor kastala í Berkshire á Englandi. Þau fluttu þangað árið 2022 til að vera nálægt Lambrook skóla barnanna. Fjölskyldan mun flytja í Fort Lodge síðar á þessu ári.

The Sun greindi frá því að Fort Lodge sé virði um það bil 21 milljón dala og að fjölskyldan væri að leita að nýju umhverfi eftir nokkur erfið ár vegna krabbameinsbaráttu Katrínar.

„Windsor er orðið heimili þeirra,“ sagði heimildamaður við fjölmiðla um ástæður Vilhjálms og Katrín fyrir því að vilja vera áfram í sama hverfi. „Hins vegar hafa síðustu árin, meðan þau hafa búið í Adelaide Cottage, verið mjög erfiðir tímar.“