Joao Pedro verður leikmaður Chelsea í næstu viku en hann kemur til félagsins frá Brighton.
Pedro er 23 ára gamall en hann hefur spilað á Englandi undanfarin fimm ár með bæði Watford og Brighton.
Pedro kostar Chelsea um 50 milljónir punda sem er ansi há upphæð fyrir leikmann sem er með 30 mörk í 70 leikjum fyrir Brighton.
Pedro á að baki þrjá landsleiki fyrir Brasilíu en hann kom upphaflega til Watford 2020 eftir dvöl hjá Fluminense.
Fabrizio Romano greinir frá því að allt sé klárt og mun Pedro fara í læknisskoðun á þriðjudag.
