Cristiano Ronaldo viðurkennir það skiljanlega að það sé farið að styttast verulega í að hann leggi skóna á hilluna.

Ronaldo er fertugur og er landsliðsmaður Portúgals en hann er á mála hjá félagsliðinu Al-Nassr í Sádi Arabíu.

Ronaldo veit ekki nákvæmlega hvenær hann mun kalla þetta gott en stefnir væntanlega að því að spila á HM 2026 á næsta ári.

,,Ég á ekki mörg ár eftir í fótboltanum en ég er að njóta augnabliksins í dag,“ sagði Ronaldo.

,,Ég er ekki búinn að ákveða hvenær ég kalla þetta gott. Ég er ánægður í dag og mun halda áfram þar til ég fæ aðra tilfinningu.“