Leikkonan Ana de Armas fagnaði frumsýningu nýjustu myndar sinnar Ballerina á rauða dreglinum í Los Angeles á þriðjudag.
Armas mærði þar leikarann Tom Cruise í hástert, eftir hrós hans vegna frammistöðu hennar í myndinni, og þessi hrósyrði beggja eru vatn á myllu sögusagna um parið eigi í ástarsambandi.
„Þetta gleður mig mjög og gerir mig stolta,“ sagðiArmas við E! Newsspurð út í ummæli Cruise. „Það er óraunverulegt að einhverjum eins og honum líki myndin og styðji hana og fagni myndum annarra. Það er ótrúlegt.“
Cruise talaði einnig við fjölmiðla á rauða dreglinum þar sem hann fullvissaði aðdáendur um að Armas þyrfti ekki á neinum ráðum frá honum að halda þegar kæmi að því að takast á við hlutverk Evu Macarro.
„Hún hefur leiklistarreynslu og hún er mjög góð,“ sagði Cruise.
Sögusagnir um að parið væri saman fóru á kreik í febrúar þegar þau fóru út að borða saman í London í febrúar. Á þeim tíma sagði heimildamaður People að þau væru bara vinir og að þau væru að ræða hugsanlegt samstarf síðar meir. Mánuði síðar sást parið saman í þyrluflugi.
Í apríl sást til þeirra á sama stað með töskur og hunda Armas í eftirdragi. Í maí sást svo til þeirra á göngu í almenningsgarði í London og um kvöldið mætti Cruise í 37 ára afmælisveislu Armas. Í sama mánuði yfirgáfu þau fimmtugsafmælisveislu David Beckham saman, sem ýtti enn frekar undir sögusagnir um ástarsamband.
View this post on Instagram
„Þau hafa farið út á nokkur stefnumót og það er mjög lágstemmt. Þetta er á frumstigi og hann hefur verið að reyna að vera með henni,“ sagði heimildamaður við Us Weekly, sem segir að Cruise hafi heillast af Armas eftir fund þeirra í febrúar.
Armas sagði nýlega í viðtali við Good Morning America að þau tvö eigi frábært samstarf og séu jafnvel að vinna saman að nokkrum verkefnum. Í viðtali við Women’s Wear Daily sagðist hún stunda þrotlausar æfingar til að undirbúa sig fyrir eitt verkefnanna.
