„Ég grét mig alltaf í svefn, þegar ég var 12 og 13 ára voru mörg augnablik þar sem ég skoðaði að taka eigið líf,“ segir Callum Wilson framherji Newcastle.

Wilson er 33 ára gamall en hann ólst upp hjá einstæðri móðir sem átti erfitt með að ná endum saman.

Wilson segir að fótboltinn hafi bjargað lífi hans og komið honum á rétta vegferð í lífinu.

„Ég sat og grátbað guð að taka mig úr þessum aðstæðum og gera mig að knattspyrnumanni.“

„Ég labbaði meðfram lestarteinum og var að tala kjark í sjálfan mig að hoppa fyrir lestina. Ég notaði snúrur og Play Station fjarstýringar til að skoða hvort ég gæti tekið líf mitt þannig.“

Hann segir fótboltann hafa bjargað sér. „Hann bjargaði mér, þar komst ég í mitt umhverfi.“

„Mamma stóð bara ein í þessu, það var ekki alltaf matur á borðunum en hún reyndi sitt besta fyrir mig og systkini mín.“

Ef ein­stak­ling­ar glíma við sjálfs­vígs­hugs­an­ir er bent er á Hjálp­arsíma Rauða kross­ins 1717 og netspjall Rauða krossins 1717.is. Opið allan sólarhringinn. Einnig má hafa sam­band við Píeta-sam­tök­in sem veita ókeyp­is ráðgjöf í síma 552-2218, allan sólarhringinn. Netspjall Heilsuveru þar sem svarar hjúkrunarfræðingur er líka opið frá kl.8-22 alla daga. Fyrir þau sem misst hafa ástvin í sjálfsvígi má fá stuðning í sorg hjá Sorgarmiðstöð og hjá Pieta samtökunum.