Fjölnir 2-3 FH
1-0 Birnir Snær Ingason(36′)
1-1 Robbie Crawford(49′)
1-2 Brandur Olsen(56′)
2-2 Þórir Guðjónsson(85′)
2-3 Pétur Viðarsson(90′)

Fyrri leik kvöldsins í Pepsi-deild karla var nú að ljúka en Fjölnir og FH áttust þá við í Egilshöll.

Það voru Fjölnismenn sem tóku forystuna í kvöld er Birnir Snær Ingason kom boltanum í netið á 36. mínútu fyrri hálfleiks.

Þannig var staðan í hálfleik en þá svaraði FH með tveimur mörkum frá Robbie Crawford og Brandi Olsen.

Staðan var lengi vel 2-1 fyrir FH en þegar fimm mínútur voru eftir þá jafnaði Þórir Guðjónsson metin fyrir þá gulu og staðan orðin jöfn.

Það leit út fyrir að ætla að duga í kvöld en svo á lokamínútu leiksins skoraði Pétur Viðarsson fyrir FH eftir aukaspyrnu og tryggði liðinu stigin þrjú.

FH er nú með sex stig í töflunni eftir þrjá leiki en Fjölnismenn aðeins með tvö.