Liverpool hefur sett mark sitt á unga kantmanninn Yan Diomande frá RB Leipzig.

Samkvæmt Athletic er Liverpool í sterkri stöðu í baráttunni um 19 ára leikmanninn, þó Paris Saint-Germain sé einnig á meðal þeirra félaga sem fylgjast grannt með stöðu hans.

Diomande er talinn eitt efnilegasta ungstirni Evrópu og hefur vakið athygli stærstu félaga með frammistöðu sinni í Þýskalandi.

RB Leipzig er þó ekki tilbúið að láta hann frá sér auðveldlega og er sagt krefjast yfir 100 milljóna evra fyrir leikmanninn.

Liverpool mun aðeins fara í formlegar viðræður við Leipzig ef samkomulag næst við leikmanninn sjálfan, en félagið er talið bjartsýnt á að það takist.