Victoria Beckham hefur svarað opinberlega gagnrýni sonar síns Brooklyn Beckham í viðtali þar sem hann sakaði fjölskyldu sína um yfirborðskennda hegðun og að setja „Brand Beckham“ í forgang fram yfir fjölskyldutengsl.

Í viðtali við Aspire-hlaðvarp Emma Grede sagði Victoria að hugmyndin um „Brand Beckham“ hefði aldrei verið meðvituð stefna. Hún og eiginmaður hennar David Beckham hefðu einfaldlega byggt upp feril sinn hvor í sínu lagi.

„Þegar við kynntumst var það aldrei ætlunin að búa til vörumerki. Þetta þróaðist bara með tímanum,“ sagði Victoria og benti á að bæði hún og David hefðu unnið með stórum vörumerkjum löngu áður en hugtakið „Brand Beckham“ varð til.

Brooklyn lét í janúar hafa eftir sér að hann vildi ekki sættast við foreldra sína og sakaði fjölskylduna um að setja ímynd og auglýsingasamninga í forgang. Hann hélt því einnig fram að hann hefði upplifað mikla pressu og kvíða í uppvextinum.

Victoria sagðist þó hafa reynt að vernda börn sín eftir fremsta megni þrátt fyrir að þau hafi alist upp í sviðsljósinu.

„Við höfum alltaf reynt að halda þeim eins mikið frá athyglinni og hægt er og verið mjög náin fjölskylda,“ sagði hún og bætti við að hún hefði aldrei verið ýkt stjórnandi foreldri.

Samband fjölskyldunnar virðist þó vera stirt, en fregnir herma að Brooklyn og eiginkona hans, Nicola Peltz, hafi ekki átt samskipti við David og Victoria síðan í maí í fyrra.