Wayne Rooney hefur gagnrýnt leikmenn Arsenal fyrir miklar fagnaðarlætur eftir að liðið tryggði sér sæti í úrslitum Meistaradeildinni í fyrsta sinn í 20 ár.

Arsenal lagði Atlético Madrid samanlagt 2-1 í undanúrslitum, en sigurmarkið kom frá Bukayo Saka rétt fyrir hálfleik í síðari leiknum á Emirates Stadium. Úrslitaleikurinn fer fram í Búdapest þann 30. maí.

Eftir leikinn hlupu leikmenn og þjálfarar Arsenal inn á völlinn og fögnuðu með stuðningsmönnum sínum, þar sem einnig var skotið upp flugeldum inni á leikvanginum. Þjálfarinn Mikel Arteta tók virkan þátt í fagnaðarlátunum.

Rooney, sem starfar sem sérfræðingur hjá Prime Video Sport, telur hins vegar að liðið hafi farið yfir strikið.

„Þeir eiga skilið að vera í þessari stöðu, en þeir hafa ekki unnið neitt ennþá. Mér finnst fagnaðarlætin aðeins of mikil. Fagnið þegar þið vinnið titilinn,“ sagði Rooney.

Ummæli hans hafa vakið athygli og skapað umræðu um hvort Arsenal hafi farið of langt í gleðinni, þrátt fyrir að vera komið í stærsta leik Evrópukeppninnar.