Pep Guardiola, stjóri Manchester City, segist njóta þess að horfa á Arsenal spila og að hann geti lært mikið af liðinu.
Arsenal er á toppi ensku úrvalsdeildarinnar með sex stiga forskot og er einnig komið í undanúrslit Meistaradeildarinnar þar sem liðið mætir Atletico Madrid.
Arsenal og City mætast á sunnudag og á City leik til góða. Titilbaráttan getur því sveiflast síðarnefnda liðinu í hag með sigri.
Guardiola segir að hungur Arsenal eftir titlinum geti unnið með þeim.
„Þeir hafa ekki unnið deildina í 22 ár og það er eitthvað sem við getum ekki keppt við,“ sagði Spánverjinn.
Leikstíll Arsenal hefur verið gagnrýndur. „Fólk ætlast til svo mikils. Ég nýt þess að horfa á þá og get lært mikið af því.“
