OnlyFans-stjarnan Paola Saulino segir frá því að leikmaður Chelsea hafi átt í framhjáhaldi með henni á sínum tíma.
Saulino og fótboltamaðurinn hittust fyrst í partíi, áður en þau stunduðu kynlíf í bíl. Samband þeirra stóð yfir í einhvern tíma en á endanum fannst Saulino hún notuð.
Hún segir að stjarnan hafi beðið um nektarmyndir daglega og segist hafa verið niðurlægt af þessum ónefnda manni.
Saulino vonast til þess að með því að segja sína sögu geti hún varað aðrar konur við óheiðarlegum knattspyrnumönnum.
„Hann kynnti sig strax fyrir mér og gat í raun ekki tekið augun af mér. Við hlógum saman og áttum frábæra tíma saman. Mér líkaði mjög vel við hann,“ segir Saulino.
Eftir þetta var fótboltamaðurinn í miklu samandi við Saulino. „Hann bað mig um nektarmyndir á hverjum degi. Hann bað oft um eina mynd í viðbót. Stundum sendi ég honum myndir seint á kvöldin svo hann gæti séð þær þegar hann vaknaði.“
Þau hittust yfirleitt í London og fóru á stefnumót þar sem hún þurfti yfirleitt að borga reikninginn.
Einn daginn ákvað maðurinn að slíta sambandinu mjög óvænt en það kom fyrirsætunni verulega á óvart en hún komst síðar að því að hann væri í öðru sambandi.
„Mér fannst ég niðurlægð. Hann lét mig elska sig en kom svo illa fram við mig. Ég sá hann fyrir hvað hann var, slæman mann sem lýgur og virðir ekki annað fólk. Hann notaði mig og hélt framhjá kærustu sinni. Hvernig maður er þetta?“
