Brynjólfur Andersen Willumsson hefur verið kallaður inn í íslenska landsliðshópinn fyrir komandi verkefni gegn Aserbaídsjan og Frakklandi.

Þetta var staðfest í kvöld en það vakti athygli þegar Brynjólfur var ekki valinn í upprunalegan hóp Arnars Gunnlaugssonar.

Brynjólfur hefur verið frábær fyrir lið Groningen í Hollandi í sumar og er með sex mörk í deild hingað til.

Aron Einar Gunnarsson hefur þurft að draga sig úr hópnum sem varð til þess að Brynjólfur var kallaður inn.

Leikirnir verða spilaðir á föstudag og svo þriðjudag í næstu viku en seinni leikurinn er úti gegn Frökkum.