Elísabet Gunnarsdóttir tók á dögunum við sem þjálfari belgíska kvennalandsliðsins. Var hún í árabil hjá Kristianstad í Svíþjóð og gerði frábæra hluti. Þetta var rætt í Íþróttavikunni á 433.is.

„Þetta er bara flott skref. Auðvitað væri maður til í að hafa hana í íslenska landsliðinu en Steini (Þorsteinn Halldórsson landsliðsþjálfari) er bara að gera flotta hluti og þetta var því ekki rétti tímapunkturinn. En einn daginn tekur hún við þessu,“ sagði Hrafnkell Freyr Ágústsson þar.

Belgía er í 19. sæti á heimslista FIFA og er á leið á EM í Sviss næsta sumar, líkt eins og Ísland.

„Belgía er lið á topp 20 á heimslistanum og hún getur alveg náð árangri þarna,“ sagði Hrafnkell enn fremur.