Chelsea mun spila við Liverpool í enska deildabikarnum um helgina en um er að ræða úrslitaleik keppninnar.
Leikið verður á Wembley vellinum en þessi lið hafa mæst nokkuð oft í úrslitum á undanförnum árum.
Todd Boehly, eigandi Chelsea, ætlar loksins að láta sjá sig í stúkunni en hann hefur misst af síðustu sjö leikjum liðsins.
Boehly er ekki reglulegur gestur á leikjum Chelsea en hann eignaðist félagið í maí árið 2022.
Þetta verður fyrsti úrslitaleikurinn sem Boehly mætir á sem eigandi Chelsea en gengi liðsins hefur verið arfaslakt undanfarin tvö ár.