Það eru ekki allir sem vita það að stórstjarnan Rasmus Hojlund á bróður sem spilar í dönsku Superligunni.

Um er að ræða hinn 19 ára gamla Oscar Hojlund en hann hefur spilað 16 aðalliðsleiki fyrir FCK á sínum ferli.

Rasmus er kominn töluvert lengra á sínum ferli en hann spilar með Manchester United og hefur verið mjög flottur undanfarið.

Hann og Oscar eiga í mjög nánu sambandi en þó að Rasmus sé mögulega betri í fótbolta er hann verri þegar kemur að því að spila tölvuleiki.

,,Við einbeitum okkur að okkar eigin hlutum en við gerum allt til að halda sambandi og tölum eftir leiki,“ sagði Oscar.

,,Við reynum að tala daglega og samband okkar er ansi náið. Við viljum vita hluti um hvorn annan og eigum það til að spila PlayStation saman.“

,,Því miður fyrir hann þá er ég betri en hann í PlayStation.“