Lionel Messi ætlar ekki á láni frá Inter Miami eftir að tímabilinu í MLS-deildinni lýkur á næstunni þrátt fyrir að liðinu hafi mistekist að komast í úrslitakeppnina.
Þetta þýðir að Inter Miami og Messi eru á leið í langt frí þar til næsta tímabil hefst aftur snemma næsta vor.
Hinn 36 ára gamli Messi hefur því verið orðaður við lið í Sádi-Arabíu sem og sína gömlu félaga í Barcelona á láni til að halda sér í leikformi fyrir leiki með argentíska landsliðinu.
„Það er leitt að við höfum ekki komist í úrslitakeppnina. Við vorum nálægt því. Ég missti af síðustu leikjunum og það var mikið um meiðsli,“ segir Messi.
„Ég mun æfa og spila næsta leik okkar gegn Charlotte. Ég mun reyna að vera í eins góðu standi og mögulegt er fyrir landsleikina í nóvember.
Svo mun ég njóta frísins í Argentínu. Þetta er í fyrsta sinn sem ég fæ svona frí um jólin með fólkinu mínu. Í janúar byrja ég svo upp á nýtt.“
