Manchester United vill fá 20 milljónir punda fyrir Harry Maguire ef félagið á að selja hann í sumar.
Að auki myndi United spara sér um 20 milljónir punda í laun ef Maguire færi í sumar.
Maguire var í gær sviptur fyrirliðabandinu hjá United sem hann hefur borið í rúm þrjú ár.
Erik ten Hag vill ekki að Maguire sé með bandið enda virðist hann ekki í neinum plönum þjálfarans.
Talið er næsta víst að Bruno Fernandes fái bandið en Maguire er sagður afar óhress með ákvörðunina.
Ensk blöð segja að þessi ákvörðun hafi orðið til þess að Maguire vilji nú fara og eru West Ham, Chelsea, Tottenham og fleiri lið sögð skoða málið.
