Sjónvarpsmaðurinn umdeildi Richard Keys giftist lögfræðingnum Lucie Rose á dögunum. Hún er 32 árum yngri en hann.

Keys, sem starfar hjá beIN Sports í Katar, er 66 ára gamall en Rose er 34 ára. Hún er jafnframt vinkona dóttur Keys.

Keys gerði garðinn frægan á Sky Sports, þar sem hann lýsti leikjum gjarnan með Andy Gray. Þeir voru hins vegar báðir reknir árið 2011 vegna ummæla um kvenkyns aðstoðardómara.

Fyrrum eiginkona hans, Julia, skildi við Keys árið 2016. Er hún sögð hafa komist að því að hann héldi framhjá með Rose, vinkonu dóttur þeirra Jemmu.

Keys var harðlega gagnrýndur fyrir að halda framhjá eiginkonu sinni sem á þessum tíma glímdi við krabbamein. Hann svaraði gagnrýninni árið 2019.

„Fór ég frá konunni minni er hún var að glíma við krabbamein? Nei. Ég veit ekki af hverju hjónaband okkar endaði eins og það gerði. En konan mín barðist við krabbamein í sjö ár áður en ég fór frá henni.

Við fórum til London daglega vegna veikinda hennar sem leiddi til þess að hún náði bata. Ef fólk trúir því virkilega að ég hafi yfirgefið eiginkonu mína á meðan hún barðist við krabbamein til að vera með vinkonu dóttur minnar get ég ekki breytt því. Ef þú segir lygi tvisvar verður hún að sannleika og ef það fer á samfélagsmiðla eltir hún þig að eilífu,“ sagði Keys á þeim tíma.

Julia skrifað um málið í bók sinni, MANscript, árið 2018.

„Framhjáhald Richard setti ekki bara líf mit í uppnám heldur líka líf barnanna okkar. Hann hefur loks viðurkennt að hafa aldið framhjá með Lucie og nú veit hann hversu miklum skaða hann olli.“