Undirbúningstímabil Arsenal er hafið. Liðið æfir nú í Herzogenaurach í Þýskalandi og undirbýr sig fyrir átökin í ensku úrvalsdeildinni.
Á laugardag mun Arsenal svo mæta Nurnberg í æfingaleik.
Herzogenaurach er heimabær íþróttarisanna Adidas og Puma. Arsenal leikur einmitt í búningum frá Adidas.
Íslenska kvennalandsliðið æfði á sama stað fyrir örfáum dögum í undirbúningi sínum fyrir lokakeppni Evrópumótsins sem hefst á Englandi í dag.
Heimakonur taka þá á móti Austurríki á Old Trafford í Manchester.
Á sunnudag hefur íslenska liðið svo leik á mótinu er það mætir Belgum í fyrsta leik riðilsins. Frakkar og Ítalir eru einnig með Íslendingum í riðli.
Solid start, boys 👊
📍 Herzogenaurach, Germany pic.twitter.com/pLtOsLpotJ
— Arsenal (@Arsenal) July 6, 2022
