Samkvæmt heimildum 433.is var Hólmar Örn Eyjólfsson varnarmaður Rosenbog á fundi með FH-ingum. Fór fundur þeirra fram á veitingastaðnum Brasserie Kársnes. Fótbolti.net sagði einnig frá fundinum.
Hólmar Örn hefur verið sterklega orðaður við heimkomu en þessi 31 árs varnarmaður er samningsbundinn Rosenborg.
Samkvæmt heimildum 433.is var Hólmar á fundi með Davíð Þór Viðarssyni yfirmanni knattspyrnumála hjá FH og Bjarna Viðarssyni sem er í stjórn knattspyrnudeildar.
Bjarni Þór og Hólmar Örn eru miklir vinir en þeir áttu farsælt samstarf í U21 árs landsliði Íslands og léku saman hjá Roeselare í Belgíu.
Þá hefur Matthías Vilhjálmsson framherji FH rætt við Hólmar um að koma til félagsins en þeir eru miklir vinir eftir dvöl saman hjá Rosenborg.
Valur og FH hafa bæði mikinn áhuga á Hólmari en Heimir Guðjónsson þjálfari Vals hefur staðfest að hann hafi átt samtal við Hólmar.
