Manchester United hefur áhuga á Mauro Icardi, samkvæmt enskum götublöðum í dag.
United er í leit að styrkingu í sóknina og hefur fjöldi leikmanna verið orðaður við félagið. Marco Arnautovic var talinn á leið á Old Trafford á dögunum en ekkert varð af því.
Þá var Benjamin Sesko orðaður við United en skrifaði undir samning við RB Leipzig á endanum. Loks hefur Alvaro Morata verið nefndur til sögunnar.
Nú er því haldið fram að United hafi sett sig í Samband við Wöndu Nara, eiginkonu og umboðsmann Icardi, um hugsanleg skipti.
Icardi er á mála hjá Paris Saint-Germain en er ekki í plönum félagsins. Hann gæti því leitað annað.
Argentínumaðurinn hefur einnig verið orðaður við nýliða Monza í Serie A.