Íslendingalið Sogndal sótti Stjördals-Blink heim í norsku b-deildinni í fótbolta í dag. Jónatan Ingi Jónsson og Valdimar Ingimundarson voru báðir í byrjunarliði Sogndal.
Staðan í hálfleik var 2-1 gestunum í vil. Peter Godly Michael kom Sogndal yfir eftir 10 mínútna leik og liðið komst aftur í forystu þegar fimm mínútur voru til loka fyrri hálfleiks þegar Fredrik Vinje setti boltann í eigið net eftir að Sondre Stokke hafði jafnað metin.
Jónatan Ingi bætt svo við þriðja og síðasta markinu í leiknum á 50. mínútu. Sogndal er í 6. sæti með 14 stig eftir átta leiki.
Þá var Arnar Þór Guðjónsson í byrjunarliði Raufoss sem sótti Start heim. Leiknum lauk með 2-2 jafntefli. Arnar Þór lék allan leikinn fyrir Raufoss en Bjarni Mark Antonsson kom inn af bekknum í liði heimamanna þegar rúmur klukkutími var liðinn leiks.
