Jack Wilshere miðjumaðurinn knái er mögulega að ganga aftur í raðir Arsenal. Hann hefur verið án félags frá því í upphafi sumars.
Wilshere er 29 ára gamall en hann ólst upp hjá Arsenal. Wilshere yfirgaf Arsenal sumarið 2018 og gekk í raðir West Ham.
Hjá West Ham fann Wilshere ekki takt sinn og gekk þá í raðir Bournemouth.
Wilshere hefur ekki verið eftirsóttur biti í sumar en Arsenal skoðar það að semja við hann, hann gæti því verið til taks ef meiðsli koma upp.
Wilshere fékk boð um að æfa með Arsenal og tók því. „Ég á von á því að ræða við einhvern hjá félaginu á næstu dögum,“ sagði Wilshere um stöðu mála.
Sú staðreynd að Wilshere er án félags gefur Arsenal tækifæri á að semja við hann og skrá hann í hóp sinn.
