D-riðill EM 2020 kláraðist nú fyrir stuttu. Upp úr honum fara England, Króatía og Tékkland.
England vinnur riðilinn eftir sigur
England vann Tékkland á Wembley.
Raheem Sterling gerði eina mark leiksins á 12. mínútu eftir fyrirgjöf frá Jack Grealish. Sterling hafði fyrir markið komist nálægt því að skora er hann skaut í stöngina.
Englendingar bjuggu sér til færi til að tvöfalda forystu sína í fyrri hálfleik en tókst það ekki. Í seinni hálfleik sigldu þeir sigrinum svo heim. Lokatölur 1-0.
Króatar gengu frá Skotum í seinni
Skotar mættu Króatíu í Glasgow og þurftu að sætta sig við tap.
Nikola Vlasic kom Króötum yfir á 17. mínútu. Callum McGregor jafnaði metin rétt fyrir hálfleik.
Á 62. mínútu kom Luka Modric gestunum yfir með stórkostlegu marki. Ivan Perisic innsiglaði svo sigur þeirra stundarfjórðungi síðar. Lokatölur 3-1.
Englendingar enda efstir í riðlinum með 7 stig. Króatía er í öðru sæti með 4 stig, jafnmörg og Tékkar en með betri markatölu. Bæði lið fara þó áfram í 16-liða úrslit. Skotar eru úr leik. Þier ljúka keppni með aðeins 1 stig.
