Rúrik Gíslason, fyrrum landsliðsmaður í fótbolta, hefur verið sakaður um að halda fram hjá Fyrirsætunni Nathaliu Soliani. Athygli hefur vakið að hún fylgir Rúrik ekki lengur á samfélagsmiðlum og þá hefur hún eytt öllum myndum af honum á Instagram. Þetta fær fólk til að velta því fyrir sér hvort þau séu hætt saman.
Það er sjálf Nathalia sem sakar Rúrik um framhjáhaldið, en greint er frá málinu í þýskum götublöðum, en Vísir greindi fyrst frá málinu hér landi.
Einhverjir höfðu bent Nathaliu á að Rúrik væri staddur á grísku eyjunni Mykonos með þýsku leikkonunni Velentinu Pahde, en bæði tóku þau þátt í þýsku útgáfu sjónvarpsþáttanna Allir geta dansað, þar sem Rúrik bar sigur úr býtum. Nathalia vitnaði í umræddar ábendingar á Instagram-síðu sinni, sem hún hefur þó eytt þegar þessi frétt er skrifuð. Einnig birti hún myndir sem eiga að sýna Rúrik og Velentinu, en þar eru þau mjög óskýr.
„Takk fyrir öll skilaboðin og myndirnar. Það kemur mér ekki á óvart að hann hafi haldið fram hjá mér með henni. Ég hef spurt hann svo oft en Rúrik hefur alltaf neitað fyrir það. Gangi þeim allt í haginn,“ voru skilaboð Nathaliu í Instagram–story, sem nú hefur verið eytt.
