Íslenski landsliðsmaðurinn í knattspyrnu, Mikael Neville Anderson stendur í stappi í Danmörku. Hann hefur lítið fengið að spila á þessu ári með Midtjylland í dönsku úrvalsdeildinni.

Mikael var settur út úr hóp félagsins á dögunum eftir að hafa slegist við liðsfélaga sinn á æfingu. Mikael var ónotaður varamaður í tapi liðsins gegn Lyngby í gær.

Hann var fljótur að henda sér á Twitter og virtist nokkuð pirraður. „Skítur, en virðing á Lyngby. Það var gaman að sjá sóknarbolta þeirra við erfiðar aðstæður. Við reynum aftur á sunnudag,“ sagði Mikael á Twitter eftir að hafa setið 90 mínútur á tréverkinu.

Þetta er ekki fyrsta færsla hans sem vekur athygli en hann hefur verið að senda út pillur á forráðamenn félagsins í gengum Twitter.

pic.twitter.com/5W5MqyfTwp

— Mikael Anderson (@MikaelAnder10) February 20, 2021

Mikael var lengi vel í stóru hlutverki hjá Midtjylland en hefur dottið aftur í goggunarröðinni og hefur látið vita af óánægju sinni í gegnum samfélagsmiðla.

Íslenski landsliðsmaðurinn vill ólmur losna frá félaginu samkvæmt fréttum í Danmörku. Á síðasta ári hafnaði Mikael því að mæta í leik með U21 árs landsliði Íslands en áður hafði hann verið í A-landsliðinu. Þá var þjálfari U21 árs liðsins Arnar Þór Viðarsson sem nú er A-landsliðsþjálfari.

Iron Mike pic.twitter.com/oCzu4HbZE9

— Mikael Anderson (@MikaelAnder10) February 18, 2021

Á síðustu vikum hefur Mikael fengið viðurnefnið Iron Mike en það á uppruna sinn í hlaðvarpsþáttinn Dr. Football. Þátturinn er gíðarlega vinsæll en Mikael virðist hluta á þáttinn miðað við færsluna hér að neðan.

Lort. Men respekt til Lyngby. Seværdig offensiv fodbold under svære forhold. Vi må rejse os søndag. https://t.co/UVLdTmxO1D

— Mikael Anderson (@MikaelAnder10) March 4, 2021