Það verður öllu til tjaldað á Kópavogsvelli í kvöld þegar Breiðablik hefur vegferð sína í riðlakeppni Meistaradeildar Evrópu. PSG kemur í heimsókn en að auki eru Real Madrid og Kharkiv í riðlinum.
Breiðablik spilar við öll liðin heima og að heiman. „Þegar ég sá mynd með öllum þessum stóru liðum þá fékk ég bara fiðrildi í magann,“ segir Hildur Antonsdóttir leikmaður liðsins í samtali við Goal.com en heimspressan hefur fjallað um afrek Blika síðustu daga.
Leikmenn Breiðabliks eru hafa knattspyrnu sem starf heldur er um að ræða áhugamennsku. PSG er hins vegar atvinnumannalið og er um að ræða eitt besta lið í heimi.
Goal vekur athygli á því hversu vel Breiðablik gerir í knattspyrnu kvenna en félagið hefur lagt mikið upp úr því starfi um langt skeið.
„Þeir sem stjórna setja sama metnað í karla og kvennaliðið á öllum sviðum fyrir utan launagreiðslu. Það er hugsað vel um okkur og allt gert fyrir okkur,“ sagði Hildur.
Sheriff frá Moldóvu vann Real Madrid í karlaflokki á dögunum í sömu keppni, Breiðablik gælir við að vinna svipað afrek gegn PSG í kvöld.
„Fótboltinn er einstakur, það getur allt gerst,“ sagði Úlfar Hinriksson úr þjálfarateymi Blika.
„Við sáum Sheriff vinna Real Madrid í karlaflokki, kannski getur Breiðablik unnið Real Madrid. Þú veist aldrei, við gefum allt í verkefnið.“
