Gareth Bale fær ekki að vera númer 11 hjá Real Madrid á næstu leiktíð. Hann sneri aftur til félagsins í sumar eftir að hafa verið á láni hjá Tottenham.
Bale hafði verið númer 11 hjá Real frá því að hann kom til félagsins árið 2013. Hann eyddi síðustu leiktíð hins vegar á láni hjá Tottenham.
Marco Asensio, leikmaður Real, nýtti þá tækifærið og fór frá því að vera númer 20 í það að taka númerið sem Bale hafði skilið eftir sig, 11.
Það er ekki úr mörgum lausum númerum að velja fyrir Bale. Ljóst er að hann gæti farið í treyju númer 16 þar sem Luka Jovic er farinn frá Real á láni til Frankfurt.
Treyja númer 14 gæti einnig losnað ef Casemiro, sem bar það númer eins og er, skiptir í treyju númer 5. Sú er laus eftir að Raphael Varane fór til Manchester United.
