Fabian Delph, liðfélagi Gylfa Þórs Sigurðssonar hjá Everton, er brjálaður út í félagið vegna yfirlýsingunnar sem það gaf út í gjölfar handtöku Gylfa. The Athletic greinir frá.

Í fréttaflutningi á þeim tíma var einungis búið að gefa út að þetta væri 31 árs gamall leikmaður sem hefði spilað landsleiki fyrir þjóð sína. Fabian Delph féll inn í mengið ásamt Gylfa um leið og félagið gaf út að leikmaðurinn væri úr þeirra röðum.

Seinna kom í ljós að Gylfi væri maðurinn sem um var að ræða. Delph var brjálaður yfir því að félagið hafi sett hann á lista almennings um grunaða þegar hann var blásaklaus.

Það vann heldur ekki með Delph að hann var ekki á leiðinni með Everton til Bandaríkjanna í æfingaferð þar sem hann er í sóttkví. Það gerði hann enn líklegri.

Bradley Johnson, leikmaður Blackburn Rovers og góður vinur Delph, var brjálaður á Twitter-síðu sinni þar sem hann segir að það eigi ekki að gefa út aldur þess handtekna því það gefur frekari vísbendingar um hvern sé að ræða og setur þá saklausa menn í sviðsljósið.

If you’re not going to disclose the name of who’s been arrested, you shouldn’t be disclosing the age of them either!
And make ppl start the guessing game,
It only leads to one thing, online trolling!
It’s not fair or right that Fab an he’s family have to go through this. 🤬🤬

— Bradley Johnson (@BradJohnson15) July 21, 2021