Klæðaburður ítalska landsliðsins var til umræðu í þættinum ,,EM í dag“ á Stöð 2 Sport í kvöld.
Guðmundur Benediktsson, einn af þáttastjórnendum, var einkar hrifinn af því hvernig ítalska liðið mætti á völlinn fyrir opnunarleik Evrópumótsins gegn Tyrkjum. Þeir voru vel til fara þegar þeir gengu inn á Stadio Olimpico í Rómarborg.
,,Það er ekki oft sem ég efast um kynhneigð mína en stundum bara kemur það fyrir þarna, þegar ég sé Ítalina,“ sagði Guðmundur léttur.
Þess má geta að Ítalía vann leikinn örugglega, 3-0. Þeir litu ekki síður vel út inni á knattspyrnuvellinum en þeir gerðu utan hans fyrir leik.