Ísland vann sigur á Færeyjum í vináttulandsleik í kvöld. Leikurinn var nokkuð dapur heilt yfir. Hér neðs í fréttinni má sjá einkunnir íslenskra landsliðmanna.
Færeyjar voru betri í fyrri hálfleiknum og stjórnuðu leiknum. Staðan í hálfleik var þó markalaus.
Mikael Neville Anderson skoraði svo eina mark leiksins á 70. mínútu með frábæru skoti eftir góðan undirbúnings Birkis Bjarnasonar og Alberts Guðmundssonar.
0-1 sigur staðreynd en þó vantaði upp á í frammistöðu nokkurra leikmanna Íslands.
Ögmundur Kristinsson 6
Heilt yfir öruggur í sínum aðgerðum og átti mikilvæga vörslu á ögurstundu í lok leiks.
Alfons Sampsted 5
Sást lítið í þessum leik. Engin slæm mistök varnarlega en bauð ekki upp á mikið hinum megin á vellinum.
Hjörtur Hermannsson 7
Gerði vel þar sem á þurfti að halda. Traustur í vörninni.
Brynjar Ingi Bjarnason 7
Var flottur í leiknum. Sendingar hans fram á við voru góðar og hann var mjög öruggur varnarlega. Var til að mynda mættur á marklínuna í lok leiks til að hreinsa frá skalla Brands Olsen.
Valgeir Lunddal 5
Mjög lítið áberandi í leiknum.
Aron Einar Gunnarsson 6
,,Solid“ frammistaða hjá fyrirliðanum.
Birkir Bjarnason 7
Spilaði stóra rullu í markinu með sendingunni á Albert og bjó til besta færi leiksins fyrir utan það með fyrirgjöfinni á Kolbein.
Ísak Bergmann Jóhannesson (’62) 4
Komst mjög lítið á boltann í kvöld á þeim tíma sem hann spilaði.
Jón Dagur Þorsteinsson 5
Átti ágætis leik úti vinstra megin.
Jón Daði Böðvarsson (’62) 4
Komst ekki í takt við leikinn á þeim tíma sem hann var inni á.
Kolbeinn Sigþórsson (’45) 4
Tapaði þó nokkrum skallaeinvígum gegn færeysku varnarmönnunum og klúðraði algjöru dauðafæri.
Varamenn
Albert Guðmundsson (’45) 6
Mikael Neville Anderson (’62) 7
Stefán Teitur Þórðarson (’62) 5