Englendingar eru búnir að senda Mason Greenwood og Phil Foden heim og verða þeir ekki með liðinu gegn Danmörku á morgun.
Ástæðan er frétt okkar um heimsókn sem þeir félagar fengu á hótel sitt í gær. Tvær íslenskar stúlkur heimsóttu hótel þeirra í gær.
433.is hefur fengið það staðfest frá yfirvöldum hér á landi að Foden og Greenwood gerðust þarna sekir um brot á reglum. Á meðan lið koma saman í verkefni eiga þau aðeins að vera á hótelinu og á æfingum, leikmönnum er bannað að hitta aðra aðila. „Þeir fá ekki einu sinni leyfi til að hitta fjölskyldu sína,“ sagði starfsmaður KSÍ í samtali við 433.is.
Meira:
Enskir landsliðsmenn brutu reglur hér á landi í gær – Fengu íslenskar stúlkur upp á hótel
Mason Greenwood er 18 ára gamall og varð að stórstjörnu með Manchester United á síðustu leiktíð, hann er einhleypur. Foden er hins vegar í sambandi með Rebecca Cooke og eiga þau saman tæplega tveggja ára gamlan strák. Foden er tvítugur að aldri og byrjaði sinn fyrsta landsleik á laugardag en Greenwood þreytti frumraun sína þegar hann kom inn sem varamaður.
Málið hefur vakið heimsathygli enda brot á reglum og drengirnir tveir halda nú heim á leið en lögreglan á Íslandi skoðar málið.
Phil Foden + Mason Greenwood will not travel with rest of England squad from Iceland to Denmark this afternoon after breaking bubble in Reykjavik with girls. Gareth Southgate to confirm shortly.
— Martyn Ziegler (@martynziegler) September 7, 2020