Zlatan Ibrahimovic, leikmaður AC Milan á Ítalíu, komst snemma í jólaandann í vikunni þegar hann gaf liðsfélögum sínum nýju PlayStation leikjatölvuna en tölvan hefur verið afar eftirsótt í vikunni.
Tölvuleikjaspilarar hafa beðið lengi eftir þessari leikjatölvu og því var eftirspurnin afar mikil þegar hún loksins kom út. Ekki náðu allir að kaupa tölvuna sem vildu en svo virðist þó vera sem Zlatan hafi náð að krækja í nokkur stykk fyrir liðsfélaga sína. Mateo Musacchio, Samu Castillejo og Rafael Leo, liðsfélagar Zlatan í AC Milan, þökkuðu allir Zlatan fyrir tölvurnar á samfélagsmiðlum sínum.
Netverjar voru fljótir að verða pirraðir vegna þessa þar sem margir þeirra höfðu ekki náð að kaupa sér eintak af leikjatölvunni. „Engin furða að við gátum ekki fengið eina þegar allir helvítis fótboltamennirnir fengu þær,“ sagði einn. „Á meðan við erum að endurhlaða brotnu Walmart heimasíðunni þá gat Zlatan keypt tölvur handa öllum liðsfélögum sínum,“ sagði annar. „Þetta er þá ástæðan fyrir því að ég náði ekki að kaupa tölvuna,“ sagði enn annar.
