fbpx
Fimmtudagur 22.október 2020
433Sport

Uggur í landsliðsmönnum sem fá enga meðhöndlun – Hamren og Freyr verða á vellinum á morgun

Hörður Snævar Jónsson
Þriðjudaginn 13. október 2020 19:10

Ekki missa af Helstu tíðindum dagsins í pósthólfið þitt

Lesa nánar

Allir leikmenn íslenska landsliðsins sem eftir voru í hópnum geta leikið gegn Belgíu á morgun. Fyrst um sinn var óttast að Guðlaugur Victor Pálsson og Birkir Bjarnason þyrftu að fara í sóttkví. Eftir að rakningarteymi almannavarna hafði skoðað stöðuna var það talinn óþarfi.

Smit kom upp í herbúðum landsliðsins í morgun þegar Þorgrímur Þráinsson liðstjóri hjá liðinu hafði greinst með veiruna.

Allt íslenska landsliðið fer í próf fyrir COVID-19 síðar í kvöld og ef allt kemur eðlilega úr því getur leikurinn gegn Belgum í Þjóðadeildinni farið fram. Svo lengi sem Ísland er með 13 leikmenn án veirunnar, þar af einn markvörð þá verður liðið að mæta til leiks samkvæmt reglum UEFA.

Allt starfslið landsliðsins er í sóttkví, þjálfarar, sjúkraþjálfarar og læknar sem dæmi. Sökum þess geta Erik Hamren og Freyr Alexandersson ekki stýrt liðinu af hliðarlínunni í gær.

„Ég og Erik höfum fengið leyfi fyrir því að horfa á leikinn úr glerbúrinu á Laugardalsvelli,“ sagði Freyr í samtali við 433.is í kvöld. Þannig munu Erik og Freyr geta komið skilaboðum til þess sem verður á hliðarlínunni.

Freyr vildi ekki staðfesta hver yrði á hliðarlínunni í þeirra stað en sagði að málið væri í vinnslu. Sögur hafa verið á kreiki um að Þorvaldur Örlygsson og jafnvel Kári Árnason yrðu á hliðarlínunni. Þá hefur nafn Eiðs Smára Guðjohnsen verið nefnt til sögunnar.

Samkvæmt heimildum 433.is hafa landsliðsmenn rætt það sín á milli í dag hvort eðlilegt sé að liðið spila við þessar aðstæður. Uggur er í sumum að mæta til leiks gegn besta landsliði heims með veiruna hangandi yfir sér og sjö lykilmenn fjarverandi.

Freyr sagði í samtali við 433.is að verið væri að reyna að koma nýjum sjúkraþjálfurum inn til liðsins fyrir miðnætti, liðið hafði spilað á fimmtudag gegn Rúmeníu og gegn Dönum á sunnudag og margir leikmenn þurfi á meðhöndlun að halda fyrir leikinn á morgun. Þeir sjúkraþjálfarar hafa farið í próf fyrir veirunni og bíða niðurstöðu.

Ísland verður án Gylfa Þórs Sigurðssonar, Arons Einars Gunnarssonar, Alfreðs Finnbogasonar, Jóhanns Berg Guðmundssonar, Kára Árnasonar og Ragnars Sigurðssonar á morgun.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 12 klukkutímum

Kórónuveiran hefur nú þegar kostað United 12 milljarða

Kórónuveiran hefur nú þegar kostað United 12 milljarða
433Sport
Fyrir 13 klukkutímum

Grænt ljós á æfingar liða á höfuðborgarsvæðinu – Þetta eru reglurnar sem fara þarf eftir

Grænt ljós á æfingar liða á höfuðborgarsvæðinu – Þetta eru reglurnar sem fara þarf eftir
433Sport
Fyrir 16 klukkutímum

Hefði allt farið í háaloft ef stjórnin hefði tekið aðra ákvörðun? – „Hefðum aldrei setið þegj­andi og hljóðalaust“

Hefði allt farið í háaloft ef stjórnin hefði tekið aðra ákvörðun? – „Hefðum aldrei setið þegj­andi og hljóðalaust“
433Sport
Í gær

Meistaradeild Evrópu: Rashford tryggði Manchester United sigur á PSG

Meistaradeild Evrópu: Rashford tryggði Manchester United sigur á PSG
433Sport
Í gær

Morðhótanir á liðsfélaga Gylfa til rannsóknar hjá lögreglu – Dómarinn settur í kælingu

Morðhótanir á liðsfélaga Gylfa til rannsóknar hjá lögreglu – Dómarinn settur í kælingu
433Sport
Í gær

Enn eitt högg í maga Özil

Enn eitt högg í maga Özil