Wesley Sneijder, fyrrum leikmaður Real Madrid og Inter, er byrjaður að æfa á ný samkvæmt fréttum í Hollandi.

RTV Utrecht greinir frá því að Sneijder æfi nú með liði DHSC sem leikur í fimmtu efstu deild Hollands.

Þar æfir Sneijder til að koma sér í form en hann lagði skóna á hilluna fyrr á þessu ári. Hann er 36 ára gamall í dag.

Sneijder spilaði síðast með Al-Gharafa í Katar en hann bætti á sig ófáum aukakílóum hjá félaginu.

Hollendingurinn hefur áhuga á að spila með Utrecht í efstu deild Hollands og er nú að koma sér í stand.

Sneijder er goðsögn hollenska boltanns og spilaði 134 leiki fyrir þjóð sína á ferlinum.