Jurgen Klopp, stjóri Liverpool, hefur gert alla leikmenn liðsins betri fyrir utan einn.

Þetta segir fyrrum leikmaður liðsins, Mark Lawrenson, en Klopp hefur gert mjög góða hluti á Anfield.

Að sögn Lawrenson bættu sig allir fyrir utan markmanninn Loris Karius sem gerði tvö hræðileg mistök í úrslitaleik Meistaradeildarinnar árið 2018.

,,Hann fattar sögu félagsins og stuðningsmennina. Ég man ekki eftir einum leikmanni sem hann keypti sem gerði ekki vel,“ sagði Lawrenson.

,,Allir leikmennirnir sem hann fékk, hann gerði þá betri. Karius er eina undantekningin en allir aðrir urðu betri.“

,,Ef þú ert stjóri og gerir alla leikmenn betri og þeir eru nú þegar mjög góðir þá ertu að gera frábæra hluti.“