Reynisfjara eins heillandi og hún er er jafnframt einn af varasömustu stöðum landsins að sækja heim, eins og margítrekað hefur verið í fréttaflutningi. Níu ára gömul þýsk stúlka lést 2. ágúst og var það sjötta banaslysið í fjörunni á innan við áratug. Systir hennar og faðir fóru líka í sjóinn en komust upp úr. Viðbúnaðarstig í fjörunni var aukið í kjölfar banaslyssins.

Þann 30. október birti Magnae Malachi myndskeið á TikTok-síðu af tveimur börnum sem aldan í Reynisfjöru hrífur næstum á haf út. Í upphafi þess má sjá að gult viðvörunarljós logar til að vara fólk við að það sé miðlungs hætta í fjörunni; ekki eigi að ganga inn á gula svæðið.

Í myndskeiðinu má sjá börnin tvö hlaupa undan öldu sem skellir þeim kylliflötum í fjöruna, en sem betur fer dregur aldan þau ekki með sér út í sjó. Börnin standa upp og hlaupa til foreldra sinna, en faðir heldur á mun yngra barni.

@magnaemalachi There were clear warning signs #iceland #beach #travel #warning #CapCut ♬ Jet2 Advert – ✈️A7-BBH | MAN 🇬🇧