Erling Haaland er heitasti bitinn í fótboltanum þessa dagana, framherjinn frá Noregi hefur slegið í gegn síðasta árið.

Haaland vakti mikla athygli hjá RB Salzburg áður en hann var keyptur til Borussia Dortmund í janúar. Í Þýskalandi hefur þessi 19 ára drengur slegið í gegn.

Haaland er ungur að árum og líkami hans enn að taka breytingum. Hjá Salzburg skellti hann á sig 12 kílóum af vöðvum til að styrkja sig og eiga roð í fullorðna karlmenn.

„Líkami hans höndlar æfingar vel og hann er fljótur að bæta sig,“ sagði Erase Steenslid fyrrum þjálfari hans.

„Hann bæti sig á 12 kílóum af vöðvum á fimmtán mánuðum. Það var rosalegt, við unnum mikið með hann. Hann var alltaf að borða og að æfa.“

„Ég bjó til æfingaráætlun fyrir hann sem gekk vel upp.“