Margir Íslendingar hafa síðustu daga tekið eftir því að viðtal sem á að vera við Birki Bjarnason, landsliðsmann í knattspyrnu hefur birst á samfélagsmiðlum.

Þar er hlekkur sem á að vera inn á frétt á Visir.is en þegar er smellt á hann sést að svo er ekki. Útlitið á síðunni er alveg eins og á Visi en vefslóðin er önnur.

Þar er verið að tala um hvernig Birkir varð ríkur á því að nota Bitcoin og fjárfesta í slíku. Fólki er boðið að smella á hlekki til að taka þátt í slíku. Þetta er fræg aðferð hjá netglæpamönnum til að hafa fé af fólki.

Fleiri frægir Íslendingar hafa verið notaðir í svona aðferðir en vara skal fólk við því að smella á hlekki sem þessa.

Úr fréttinni þar sem reynt er að svindla á fólki:
Íslenski landsliðsmaðurinn í fótbolta og fyrirsætan, Birkir Bjarnason, sem nýlega virðist orðinn klár og skarpur kaupsýslumaður.

Í viðtali kynnti hann nýja vettvanginn sem hann hefur notað, eða réttara sagt, verið að prófa sig áfram með síðastliðin tvö ár. Hann segir að þessi nýja „fjármála-glufa” sem getur gert hvern sem er að milljarðamæringi á þremur til fjórum mánuðum. Birkir Bjarnason hvetur Íslendinga til að stökkva á þetta tækifæri áður en stórbankarnir loka fyrir þetta.

Og viti menn, aðeins nokkrum mínútum eftir að viðtalið birtist reyndu stórbankarnir að stöðva útsendinguna. En það var of seint.