Annar fundur leyfisráðs í leyfisferlinu fyrir keppnistímabilið 2020 fór fram á föstudag og voru þátttökuleyfi 15 félaga samþykkt. Tvö af leyfunum 15 eru gefin út með fyrirvara. Tíu þátttökuleyfi voru gefin út á fundi ráðsins fyrir viku síðan.
Þar með hafa öll 24 félögin í efstu tveimur deildum karla fengið útgefin þátttökuleyfi, en tvö þeirra með fyrirvörum um frekari gagnaskil fyrir 31. mars nk. Þá hefur Valur í Pepsi Max deild kvenna fengið útgefið þátttökuleyfi í Meistaradeild UEFA fyrir kvennalið (UEFA Women‘s Champions League).
Samþykktar leyfisumsóknir á fundi leyfisráðs 13. mars
Samþykktar leyfisumsóknir í Pepsi Max deild karla:
– Breiðablik
– FH
– Fjölnir
– Grótta
– ÍA
– KA (með fyrirvara um gagnaskil 31. mars)
– KR
– Víkingur R.
Samþykktar leyfisumsóknir í 1. deild karla:
– Afturelding (með fyrirvara um gagnaskil 31. mars)
– Fram
– ÍBV
– Leiknir F.
– Þór
– Þróttur R.
– Vestri
*Fyrirvari á leyfisveitingu vegna vallarleyfis:
Umsókn félaga um þátttökuleyfi 2020 er samþykkt af leyfisráði með fyrirvara um afgreiðslu stjórnar KSÍ á tillögum mannvirkjanefndar um vallarleyfi fyrir keppnistímabilið 2020.
