Sadio Mane, leikmaður Liverpool, bað stuðningsmenn RB Salzburg afsökunar eftir leik liðanna í gær.
Mane er fyrrum leikmaður Salzburg en Liverpool sló austurríska liðið úr leik í Meistaradeildinni með 0-2 sigri.
,,Þetta var mjög erfiður leikur. Við sköpuðum mörg færi og ég er ánægður fyrir hönd Naby Keita,“ sagði Mane.
,,Við áttum skilið að vinna og erum ánægðir. Það er alltaf gaman að koma aftur hingað því hér byrjaði allt saman.“
,,Ég er þakklátur félaginu og stuðningsmönnunum. Afsakið það en við þurftum að gera þetta.“
