Það stefnir í slag á milli Manchester City og Chelsea í janúar um Nathan Ake, miðvörð Bournemouth. Sky Sports segir frá.
Chelsea er í bestu stöðunni en félagið getur keypt Ake til baka á 40 milljónir punda, eftir að hafa selt hann til Bournmeouth á 20 milljónir punda árið 2017.
Nú þegar búið er að aflétta banni Chelsea, til að kaupa leikmenn vill félagið fá hann í janúar.
City vill líka fá hann, félagið fyllt ekki skarð Vincent Kompany í sumar og meiðsli Aymeric Laporte hafa komið sér illa.
Ake fer því að öllum líkindum frá Bournemouth í janúar sem væri högg fyrir liðið, enda í fallbaráttu og Ake þeirra besti maður.
